जनवाटो
-रमेश रावत ‘विक्रान्त’
तिम्रो देशलाई
दलाल चाहिएको छ भने
हाम्रो देशबाट सापटी लिनु
जुन दलालले
हाम्रो देशलाई
कंगाल बनाएर
तिम्रो देशलाई
मालामाल बनाउने छ ।
तिम्रो देशले हाम्रो देशका
दलालहरुलाई पैसा दिएर
जाल किनेर दिन्छ
त्यही तिम्रो देशले दिएको
जालको डोरी समातेर
हाम्रो देशको दलालले
तिम्रो देशलाई
आफ्नै देशको
जमिन किनेर दिनेछ ।
तिम्रो देशका नेताले
राजनीति गर्नको लागि
राजनीतिक दल
खोलेका छन्
हाम्रो देशका दलालले
दलाली गर्नको लागी
राजनीतिक दल खोलेका छन् ।
कहाँ तिम्रो देश
कहाँ हाम्रो देश
तिम्रो देशमा
भ्रष्टाचारीलाई
जेल चलानी गरिन्छ
हाम्रो देशमा
भ्रष्टाचारीलाई
सलामी गरिन्छ ।
तिम्रो देशमा
भोकमारी घटाउन
कर्मचारीलाई
नियुक्ति गरिन्छ
हाम्रो देशमा
भोकमारी बढाउन
कर्मचारीलाई
नियुक्ति गरिन्छ ।
तिम्रो देशमा
अर्काको देशलाई
कब्जा गर्नको लागि
सेना बनाइन्छ
हाम्रो देशमा
देशलाई सानो बनाउन
सेना बनाइन्छ ।
कहाँ तिम्रो देश
कहाँ मेरो देश
तिमी अब्राहम लिंकन
जन्मेको देशको मान्छे
म बुद्ध जन्मेको
देशको मान्छे
तिमी महात्मा गान्धी र राम
जन्मेको देशको मान्छे
म हराम नै हराम जन्मेको
देशको मान्छे
बुद्ध जन्मेका देशकाले
राम नै राम पुजेर
अवतारमा घामण बनेर
आफ्नै देशलाई
लिलाम बनाई सक्यौ ।
अब हाम्रो देशमा पनि
कार्ल मार्क्स
लेनिन, स्टालिन
माओत्सेतुङ र फिडेल
क्यास्ट्रो जस्तै
वीर योद्धाहरु
जन्मनु पर्छ ।
हाम्रो देशका
दलाललाई
जालभित्र हालेर
तिम्रो देशका
देशका दलालले
समातेको जाल डोरीलाई
सधँैको लागि चुटाइ दिने
मेरो ठुलो सपनालाई
पूरा गर्नु छ ।
(लेखक नेकपा जुम्ला जिल्ला कमिटी सदस्य तथा अखिल (क्रान्तिकारी) जुम्ला जिल्ला संयोजक हुन् ।)
६ साउन, २०७८
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्